FINCA Kosovë hap degën e re në Kaçanik


Drejtuesit e institucionit mikro-financiar Amerikan FINCA Kosovë, kanë përuruar fillimin e punës së degës së re në Kaçanik duke vazhduar zgjerimin e rrjetit të degëve për të qenë sa më afër klientëve të saj.

Në ceremoninë e hapjes të pranishëm ishin nën kryetari i komunës, përfaqësues nga komuna e Kaçanikut, respektivisht pjesëmarrës nga drejtorati i Bujqësisë dhe Financave, përfaqësues të lartë të Stacionit Policor, mysafirë dhe klientë të FINCA Kosovë nga rajoni i Kaçanikut.

Hapjen zyrtare të degës së re të Kaçanikut e bëri nënkryetari i komunës së Kaçanikut z. Ylber Bajra i cili në fjalimin e tij tha që “Sot është një dit e mirë për Kaçanikun, është një dit e mbarë sepse Kaçanikasit me FINCA-në kanë një përvojë shumëvjeçare, por fatkeqësisht është dashtë për nevoja të tyre te udhetojne në Ferizaj, kështu që nga sot jemi më afër”
Prerjën e shirit e bëri nënkryetari i komunës së Kaçanikut z. Ylber Bajra dhe anëtari i Bordit të FINCA Kosovës, Giorgi Mirotadze.

Rrjeti i degëve të FINCA Kosovë, numëron 26 degë, përfshirë edhe degën e re në Kaçanik.

Ky objekti i ri është i përgatitur sipas standardeve më të reja të afarizmit duke ofruar mundësi dhe mbështetje nëpërmjet fuqizimit të përfshirjes financiare, që rrjedhimisht kontribuojnë në gjenerimin e vendeve të reja të punës, stimulimin e bizneseve dhe agrobizneseve vendore duke i kontribuar kësisoj ekonomisë së Kaçanikut dhe Kosovës në përgjithësi.

Nënkryetari z. Ylber Bajra gjithashtu vlerëson angazhimin në fushën e përgjegjësisë sociale të FINCA Kosove.

FINCA, të ndërtojmë të nesërmen së bashku!

 

 

 
 
FINCA Kosovë është pjesë e rrjetit të FINCA Impact Finance, një grup prej 21 institucionesh mikrofinanciare dhe financiare që ofrojnë shërbime financiare me përgjegjësi shoqërore dhe u mundësojnë ndërmarrësve me të ardhura të ulëta dhe pronarëve të bizneseve të vogla që të investojnë në të ardhmen e tyre.
©2018 FINCA Kosovë
Politikat e Privatësisë